發生mash

【馬路上的疑難】衝左Autotoll

2017.06.09

大約20:15，葵芳番大埔，途經尖山隧道($8)，唔小心入左Autotoll(係，柒到喊)，差唔多到收費亭個陣見到冇人，當時後方冇車，我就停低左架車10秒倒，但見唔到有位可以打死火燈停埋一邊，後方雖然未有車黎，但個位始終唔可以停，就揸車繼續行。到左23:17，打左去31401218尖隧Control問點算，話要7日內去番尖隧收費亭交番，打死火燈停喺最左邊，會有職員過黎收錢。

2017.06.10

尋晚到今日發生左好多事，去到夜晚終於有少少時間，就出左尖隧諗住補交費用。上水出發，23:05去到收費亭問，話交左今次個$8隧道費，再向前駛埋左邊d巴士站較前方位置，仲提我左方有兩條快線，要小心d車。我比完$8，就向前行，打左燈諗住靠邊，點知有個欄隔住巴士站同入隧道既行車線-_- 焗住要繼續行，行到某個位左邊有位可以停，就打死火燈停埋一邊，search番點樣番去尖隧，再出發，回程一路同自己講，得今次機會乍，再miss左又要兜圈架喇。就小心地一出隧道就靠到最左，挨住最左邊條線去到巴士站前少少位置打死火燈停低，再打番34101218尖隧Control，報左車牌，1分鐘內就有個職員過黎。佢問我幾時衝左Autotoll，同埋提我頭先其實用左N1，都係Autotoll，應該用N3定N5交左隧道費先再駛過去巴士站(呢個moment我先發現自己衝左第二次Autotoll-_-)。

不過諗深一層，都冇辦法，我如果又由N3定N5，比完隧道費好大機會又miss左入巴士站條路… Anyway，個職員收左$16，就比左31401138尖隧大堂個電話我，話佢宜家會番位打張receipt，大約一個鐘後可以打上去拎receipt no.，方便到時寄信黎叫我交錢，我就可以講番個receipt no.出黎。

2017.06.11

01:21打去31401138尖隧大堂，佢話應該係打去31401223Autotoll個邊，但要辦公時間星期一至五09:00-17:00打去問。

以上。