發生mash

【馬路上的疑難】衝左Autotoll

2017.06.09

2017-01-02 (一) 
路線：坑下莆 --> 太和 --> 坑下莆 

話說身邊有揸車經驗既親戚都同我講，車，係機器野，要定時定候郁下佢，除左冇咁易壞，更重要係間唔中郁下架車，可以幫架車叉電，咁架車就唔會因為太耐冇着而撻唔着。但由於之前hi過下，有少少陰影，唔敢出馬路。表姐夫同表哥都話，揸車，第一，要輕鬆。第二，要有信心。如果緊張既話，先唔好講遇到突發事會反應唔切，就算一般情況都都會硬晒軚，唔夠靈活。當然佢地都好強調，輕鬆唔等如求其，作為司機，都要關注好多野，除左前方，仲有隔離線、行人、小路出大路既車等等，但就千祈唔好淨係focus前面而忽略周圍。雖然揸車好大責任，不過佢地都叫我唔好比咁大壓力自己。而如果冇信心，就仲大鑊。佢地話冇信心就唔好出馬路，因為你坐得司機位，出得馬路，你就要handle到馬路上一切既情況。

我之前就一直都未有信心，有大概三、四星期，都係keep住一星期撻一、兩次車，撻住架車10至15分鐘，或者喺泊車個位好慢咁向前向後郁少少，然後熄匙。但後黎我諗，咁樣落去都唔係辦法，我比咁多次報考車牌、比學車錢(我都學左好多堂)、第二次考既錢，同補鐘錢，仲要買車、整車等等，就係為左可以一家人一齊去親戚屋企呀，或者放假出大埔墟食個早餐等等。如果我呢少少都克服唔到，以後點算？咁當然，我冇忘記過我上年六月頭對自己所許下既承諾，就係做個安全既駕駛者。

【學車手記】 學車費用明細 2015.10.18

每節$220/45分鐘，每次上2節。

棍波輕型貨車，乙部試及格，丙部試不及格。

大剔3個(嚴重)︰

2015年07月09日(星期四) 【考試路段】 15:00@觀塘佳廉道上車

蓮花打到黎，掛左三號波學車，學緊既時候天文台話五點前會掛八號。希望聽朝會落波啦，唔想又等過又緊張過呀。

終於搞清楚三條路線係點行喇，大致心裡都有個(okay模糊嘅)譜。

【關於技術方面既描述，未必完全準確，一黎我有可能誤會或記錯左師父既意思，二黎始終要以當時交通狀況為準】

2015年07月07日(星期二) 【考試路段】 09:00@大學站上車

師父真係太好人喇，知我住得遠，提議09:00大學站兜埋我。買左支野飲比師父，但放左入書包又唔記得左-_-! 學完走左先醒起，聽日比佢啦…。

2015年06月16日(星期二) 【三手軚掉頭+泊車+考試路段試走】 11:15@觀塘佳廉道上車

臨考車先黎氣管敏感，唔好咁啦-_- 本來係星期日、一、二連續三日學車，但尋日搭緊車出去個陣突然咳到反胃想嘔，咳成五分鐘都唔停，我就知又黎料。一咳就停唔到，又標晒眼水又反胃，根本揸唔到車。冇辦法之下惟有打比師父請假，直接去醫生。

2015年06月14日(星期日) 【泊位及油塘考試路段A試走】 15:30@太子B1出口上車

本來師父約左前日下晝3點，但我點半出門時聽到師父個留言，原來搞錯時間要cancel，好彩我未出門口^_^ 師父跟住話喺太子上車，比多15分鐘我揸去油塘。咁好機會，應該lur飯應既，但我真係冇乜信心。旺角人多車多，我又揸得非常之咁麻麻…同師父講驚搞唔掂，佢話「放心，我會睇住我架車架喇」。(咦？點解有躺著也中槍既感覺？師父，你係咪串緊我揸車令你架車陷入危險?_?) anyway，咁好啦，太子就太子啦，接受挑戰^_^

2015年05月26日(星期二) 【油塘一小小小段考試路線試走】 15:00@觀塘佳廉道上車

今日都係一上車就坐司機位，由觀塘佳廉道既U-turn位出發，去左某個斜路練習上次教既三手軚調頭。極力子仍然控制得唔好，踩得太深會溜後，放得太高又向前衝。如果想齋踩極力唔踩brake唔拉手掣而hold住架車唔郁，個極力子就要踩得好準，個臨界點可能高1mm架車就會向前或者向後郁。