發生mash

2015年07月07日(星期二) 【考試路段】 09:00@大學站上車

師父真係太好人喇，知我住得遠，提議09:00大學站兜埋我。買左支野飲比師父，但放左入書包又唔記得左-_-! 學完走左先醒起，聽日比佢啦…。

師父問我之後去邊，我同佢講任何有地鐵站嘅地方都得，佢陣間要去葵興教，所以走嗰陣比我揸埋去葵興。去到某個兩條線都係向前行車既位，我地行左邊線，見到前車(都係部小型貨車)有成四分之一車身都出左右邊線，我諗起平時我都係咁樣揸，真係不禁失笑。我同師父講「平時後面車咪見到我咁樣揸囉？」然後又中槍「你都知呢？」我笑。師父求其安慰下我「不過你冇咁嚴重。」 係~~咩~~v_v

最後，師父話考完路試停左車之後考牌官會話『同學，考完試嘞』(I wonder考牌官會唔會咁好語氣!_!)，咁我就要熄匙(向左擰)，再入一波。如停車位係平路或上斜，就入一波。如停車位係落車，就入後波。萬一有時handbrake唔work，都可以防止架車溜前溜後。

2015年07月08日(星期三) 【考試路段】 13:00@觀塘佳廉道上車

首先去左麗港城商場附近練三手軚掉頭同泊位，再去油塘練考試路線，今日練番會喺高超徑做窄路掉頭嘅兩條路線。是日冇死火(終於！)，但仍間中hi到線，堂軚仍然未夠穩。

除左頭幾堂有溜後情況出現，之後都已經冇，但今次高超道條斜路上斜有少少溜後呀T_T