2015年06月16日(星期二) 【三手軚掉頭+泊車+考試路段試走】 11:15@觀塘佳廉道上車
臨考車先黎氣管敏感，唔好咁啦-_- 本來係星期日、一、二連續三日學車，但尋日搭緊車出去個陣突然咳到反胃想嘔，咳成五分鐘都唔停，我就知又黎料。一咳就停唔到，又標晒眼水又反胃，根本揸唔到車。冇辦法之下惟有打比師父請假，直接去醫生。
睇完醫生見好d，今日就照上堂。去到之前練三手軚掉頭個斜路練習泊位同三手軚掉頭。練左大半個鐘就出左油塘練考試路段。
全日師父講左「(你咁揸法)死左幾件架喇」差唔多十次、「(你咁樣做)肥左架喇」差唔多廿次。原來得三成人可以一take pass。咁難考！師父話「你咁都考到香港就少一半人口喇」嗚嗚師父你太直接了…
其實我6月6日定下既終身目標︰做個安全駕駛者，應該都幾難實現…其實預左自己唔一take pass，但都希望有日真係考到既時候，可以一直做個安全駕駛者。呢個係對自己既承諾，亦都係對所有道路使用者既責任。
文章標籤
全站熱搜
留言列表
