發生mash

2015年07月09日(星期四) 【考試路段】 15:00@觀塘佳廉道上車

蓮花打到黎，掛左三號波學車，學緊既時候天文台話五點前會掛八號。希望聽朝會落波啦，唔想又等過又緊張過呀。

去左麗港城商場練左幾次三手軚掉頭同泊位，就繼續練考試路線。到油塘前一個成日有死車塞住，要貼近燈位先可以望鏡擰頭扭軚過番左線既燈位，突然又乾咳。雖然未係好嚴重，但已經開車開到偏離晒。唉，考試千祈唔好咳呀大佬考完比你慢慢咳！拍爛檔！

行下面仁宇圍條線，個三手軚掉頭位係學神止步既，所以師父示範左兩次比我睇。今日可能因為打風既關係，入面個位本身好多死車，今日反而冇乜。不過師父都示範左得好少位應該點過。做第一手前，同隔離線架前車保持半個車位，停定。開始做三手軚掉頭，做完前面如果冇死車，就直接慢慢駛番出去。行右線記住望鏡擰頭，過左的士站就打燈轉左線，然後繼續行淨低既路段。

呢兩日轉波方面好似開始識得自動自覺喇，不過轉波有時仍然會覺得架車kick下kick下，動作仲未好暢順。

學完車師父諗住車埋我，但我要補習，咁師父就喺藍田站放低我，話近d。本身都唔知師父講咩，落車就知嘞。觀塘個落車位行去地鐵站要五分鐘，但藍田一落車就係地鐵站，感謝師父^(++++)^

打打下篇文，見到天文台話晚上十時十分改發三號波。希望聽日路面情況生生性性啦。雖然有晒心理準備肥佬，但好驚見到師父失望既表情呀。不過…可能師父根本冇諗過合格呢個可能性^_^