close
睇書睇戲，最棹忌就係破梗(為左棹忌呢兩隻字，成篇改用口語😂😂)。
《明天，我要和昨天的妳約會》都漏左啲內容，但未到影響觀感。
書中前半部描述男女主角嘅對話其實幾無聊同重重複複，例如：好有趣呀可？係呀好有趣架呢！好好食呀。係呀真係好好食呀。開始覺得節奏都幾慢，但呢種無聊同重複唔係正正就係時下大部分人會講嘅野咩？突然又覺得描述得好真實。逆向流動嘅日子令女主角經歷男友由親密變生外，由豬豬變陳小姐，由拖手變保持距離，由無所不談變諗過度過先講。為左男友有多啲開心嘅日子，仲默默忍耐喺大家仲未好熟嗰陣(雖然喺男主視角黎講佢地已經一齊左一段日子)表現得好親密。男主知道真相本來嬲豬，好彩後尾開竅，明白女主苦心，如果唔係女主實在太慘喇😭😭😭😭 電影最尾聽講拍得唔錯，好想睇呀～～
文章標籤
全站熱搜
留言列表
